女神唔難做

以前女神呢個專屬名詞 直接令人聯想到某某女明星 歌星天后 名媛淑女 總之 就係好多人仰慕嘅靚女 只可遠觀 好似上輩嘅Audrey Hapburn 林黛 或者 趙雅芝…

近年又增加另一系列女神專利 乜野宅男女神 高登女神之類 级別比較入屋 如翠如bb 盈盈bb 美琪bb等等……以前叫校花 舖花 廠花 公司之花嘅……而家一律都系女神 女神普及化 可喜可賀 家陣要做女神有几難 當然唔排除30巴仙可能贏在起跑線 但有70巴仙肯定可以後天養成

俗語都有話啦 呢個世界冇醜嘅女仔只有懶惰女仔……其實所有女性不論年齡都有做女神嘅潛能……要有人賞識仰慕唔可以靠果30巴仙……內心醜惡兼人工化好快比人識穿ko 妳……

愛惜同小心呵護自己就必然架喇 其次系提升自己嘅內涵同品味 內心美麗非常重要 自信心絕對唔可以爆棚 但一定要有 咁企出嚟自然魅力四射……人見人愛車見車載喇……

啱啱想post個friend突然通牒 女神嘅英文名詞 DIVA 如果用斜楷或者大楷又或者bold左佢……女神即刻變港女 你知啦 港女呢個名詞極之專利 貶到啲香港女仔一文不值 非常陰公豬……其實每件事都有兩面睇嘅 你讚一個人精打細算 去到極端 你又可以話佢貪心刻薄 ……又或者讚人單纯可愛 一个唔該 變成膚淺無深度…… 總之一句講曬 sinful 其實自己都係香"港女"仔一名 俾人咁樣清算都幾心噏

但香港女仔點解咁鬼港女 唔系响度平反 但有必要解釋歷史因由: 殖民地年代嘅香港已經開始提升女性地位 唔系陰謀論 點解會咁 因為咁多年嚟 女性响職場上 比起好多西方國家 自認民主嘅地方 相對上公平 上世纪70年代政府公務員已經搞同工同酬 因為勞動人口嘅問題 男性女性嘅比例 香港女仔比其他地方有更多工作機會……記得回歸前後我响米國打工 陪老闆去銀行傾融資 𥄫到Board of Directors 嘅水牌有12人 只有1位係女士……相比好多香港企業 本地或外資行 有一半揸fit人係女生 真系蚊比……咁俾妳咁多工作機會重越做越好 人肯定越來越霸道啦 其實都係保護自己啫 情有可原……但係……

凡事切忌走極端 ……錯在自信心爆過頭囉…中庸之道是王道……切記切記……

香港女同胞們…… 妳骨子裏都係女神 大家諗下點樣將女神潛能 優雅漂亮咁發揮出嚟啦！

PS... 內文全屬個人意見。啱聽讚下無妨。唔啱千期唔好搞網絡攻擊。成世人溜溜長。大把野做。唔好浪費時間。醒醒。省省.....