忙到甩頭髪

依單嘢唔可以唔講。因為正正動搖左我做打工皇后咁多年嘅信念.....

我响一間蚊司服務左前後斷續有10年。雖話係蚊司。總算係間跨國企業。除咗大老闆。我就坐第三把交椅。我同老闆唔知係咪前世撈亂骨頭又愛又恨相愛相殺。兩年前蚊司有個大project。請左咁多同事返嚟唔知點解老闆就係鍾意勞役我。financing。marketing。HR。event management。總之乜都有我份。連開酒會嘅MC都要我殺埋.....

不過算。我talk得顏值高。食腦嘅嘢通常都係我強項。老闆冧我兩句我就撲心撲命。真死蠢。但體力勞動我真係唔掂。 老闆竟然叫我打理埋佢間鋪頭。感恩感恩。之前亂七八糟嘅嘢叫我幫佢撥亂反正。點反正。咪就係擒上擒落執呢樣執個樣。我企上堂梯到執嘢嘅時候班男同事就舉頭望明月。老闆就發號施令。執唔夠兩嘢。老闆就開始問我腦力問題 “舊年EBIT 幾多”。 “今年budget COG几多”。老實講M姐我已經唔係18廿二。 真係有啲頂唔順。佢咪就係挑戰我之前自吹自擂話自己轉數快嘅自信囉。都係自己死蠢.....

都算。最嬲嘅係我話安排左同D friends 去旅行買晒機票。老闆話佢特登返嚟陪我執嘢唔准我走。心諗執嘅嘢好似唔係我部門。我友情客串吓咋老闆。又算。陪足老闆晚晚捱到11點。點知大傷風。 宿命相殺傳染埋比佢。我老闆話我冇公德心唔戴口罩。响全間公司面前講左我幾日。今次點可以算.....

做到簡直精神崩潰。身體果然出現毛病-甩頭髮。終於搞掂個project。 皇恩浩蕩比我返加拿大探親。 冇帶洗頭水我表妹比左兩支韓國貨比我話好正。心諗我用AV字頭頭髪系列都冇乜起色。什麼before 39 什麼幾十惠。全都垃圾⋯⋯莫非奧巴真䁱飛？ 韓國人靚字行頭。皮膚頭髮護理一定在行。如果唔係點樣維持果塊洗咁多錢整既面。 我試.....

個兩支韓國貨真係掂。用咗一個月。以前甩一束束既頭髮。減少到用條條計。用咗半年頭髮濃密番哂。研究下呢支洗頭水護髪乳係乜野來頭。 既有生髮同養髮作用。 大贊。試埋另外一隻同品牌嘅頭皮舒緩洗頭水。交替來用。效果一流.....

有頭髮問題嘅姊妹們。M姐力薦

PS... 內文全屬個人意見。啱聽讚下無妨。唔啱千期唔好搞網絡攻擊。成世人溜溜長。大把野做。唔好浪費時間。醒醒。省省.....