我係M姐

長輩叫我阿囡。工作夥伴叫我M總。大部份唔多熟嘅叫我M小姐。唔知點解細過我啲friend 鐘意叫我阿妹。仇家叫我乜我就懶理。熟人點叫我當然唔會話你知。之前宣萱重返大台個套電視劇叫魔姐。我覺得幾有型呀。亦邪亦正。亦對亦錯。好真實。但係唔知點解從來冇人叫我阿姐。恨做阿姐嘅我。決定喺呢度叫自己做.....M姐

我係咪女神唔重要。 行走江湖20年有餘。國際財團。本地藍籌 唐人蚊司SME都做過。閲歴搭夠。不過女神攻略嗰6點我肯定過哂100分。 但上次都講咗啦。物極必反。你九樣嘢做滿分。第10樣肯定蕉蕉。依個係定律。造物主係公平嘅。係應該有缺陷美。我接受.....

接受唔代表唔需要改進。自省/醒最重要。哪怕用幾多時間同精力。因為成世人溜溜長唔係淨係做10件事。唔醒醒/ 省省。 就有排你挨。借鏡魔姐.....

點解要寫blog。因為我決定將我咁多年嘅臭事記錄一下。老左攞返出嚟幽自己一默 。哎喲喂。大家捧下塲.....

---

PS... 內文全屬個人意見。啱聽讚下無妨。唔啱千期唔好搞網絡攻擊。成世人溜溜長。大把野做。唔好浪費時間。醒醒。省省.....